Rastet e koronavirusit në Turqi erdhën vonë, por sapo filluan, ato u rritën më shpejt se kudo tjetër në botë.
Më pak se një muaj më parë, kombi me 80 milion njerëz nuk kishte një rast të vetëm të raportuar. Që nga 10 Prilli, Turqia ka 42.228 raste të konfirmuara të COVID-19, me 908 vdekje. Disa kanë frikë se mund të jetë pikë tjetër e nxehtë e pandemisë.
Ndërsa ka një numër relativisht të ulët të vdekjeve, infeksionet janë rritur me 3,000 çdo ditë, sipas The Guardian.
Turqia ka vendosur kufizime si mbyllja e shkollave, universiteteve, kafeneve, dhe ndalimi i lutjeve dhe ndalimi i fluturimeve drejt vendeve të veçanta. Por një bllokim mbarëkombëtar nuk është imponuar.
Situata ekonomike e vendit e bëri pandeminë akoma më shqetësuese. Turqia kishte papunësi të lartë, inflacion dhe mundësinë e afërt të një recesioni për shkak të një rënie masive të monedhës së saj në 2018. Kjo vend gjithashtu ka si një industri të lulëzuar turizmin, me rreth 50 milion vizitorë në vitin 2019.
Vendi gjithashtu kishte një sektor të dobësuar të kujdesit shëndetësor. Pas një grushti shteti të dështuar në vitin 2016, qeveria e Turqisë arrestoi rreth 15,000 punonjës të kujdesit shëndetësor, si dhe një ekspert të koronavirusit të quajtur Mustafa Ulasli, i cili dyshohet se ishte i lidhur me grushtin e shtetit.
Rasti i parë i koronavirusit të Turqisë u zbulua në 11 Mars. Në më pak se tre javë, vendi do të dëshmonte një nga ngritjet më të mëdha të infektimeve në botë.
Burimi: Business Insider – SCAN