Sot ditë zgjedhjesh në Bullgari, votojnë edhe emigrantët

Sot në Bullgari janë zgjedhjet parlamentare,dhe gjithë shtetasit bullgarë që jetojnë jashtë vendit kanë të drejtën e votës. Në Athinë, Patër, Heraklio, Larisa dhe Selanik, mijëra votues i janë drejtuar kutive të votimit për të votuar partinë e tyre te preferuar.

Në Shqipëri vota e emigrantëve është kthyer në arenë përplasje dhe kapriço të njërës ose tjetrës parti, duket se bullgarët e kanë kaluar prej kohësh këtë kompleks. Ligji elektoral bullgar u jep të drejtën e votës jashtë vendit të gjithë atyre që kanë kartë identiteti bullgare dhe në momentin e votimit deklarohen se do të votojnë, paçak nëse janë ose jo rezidentë në vendin që votojnë.

Pasi kutitë e votimit mbyllen dhe vulosen dërgohen në komisionin qëndror në Sofie. Pasi mumërohen, votat i shtohen progresivit të votave në shkallë vendi, çka u lejon partive të kenë në këtë mënyrë deputetë të diasporës nga lista rendore.