Sulm i dyfishtë në Japoni, arrestohet një person i armatosur

Një person i armatosur i cili mbajti për disa orë pengjet në një zyrë postare në Japoni  është arrestuar, kanë raportuar mediat lokale.

Dy gra u kapën rob nga burri në qytetin Warabi të martën pasdite me orën lokale.

Njëri u lirua më vonë, ndërsa i dyti u lirua pasi policia nxitoi dhe e ndaloi të dyshuarin.

Mësohet se të dyja gratë janë të padëmtuara, teksa motivi i sulmit mbetet ende i paqartë.

Personi i armatosur, i cili raportohet se është rreth të 80-tave, mendohet se është përfshirë edhe në një të shtëna në Spitalin e Përgjithshëm Toda Chuo më herët gjatë ditës.

Dy persona, të identifikuar si mjek dhe një pacient i moshuar, u plagosën në sulm. Lëndimet e tyre nuk mendohet të jenë të rrezikshme për jetën.

Mediat japoneze, duke cituar burime të paidentifikuara policore, raportuan se pengmarrësi në zyrën postare, e cila është rreth 2.5 km (1.5 milje) nga spitali, ishte gjithashtu i dyshuari nga të shtënat në spital. Mësohet se ai u largua nga spitali me një motoçikletë.

Më vonë, një grua e re u pa duke dalë nga ndërtesa dhe duke u shoqëruar nga policia.

Atyre në ndërtesat përreth të lagjes së banimit të frekuentuar iu tha të qëndronin të qetë gjatë bllokimit. Autobusët u dërguan në një shkollë aty pranë për t’i kthyer fëmijët në shtëpitë e tyre.

Të shtënat janë të rralla në Japoni. Vendi ka rregulla strikte për zotërimin e armëve dhe i lejon civilët të kenë vetëm pushkë gjuetie dhe pistoletë.

Pronarët duhet t’i nënshtrohen një provimi të rreptë dhe testeve të shëndetit mendor.