Sulm kamikaz nga një femër në qytetin turk të Bursës

Një femër ka hedhur veten në erë, pranë Xhamisë së Madhe në qytetin e Bursës. Deri më tani janë raportuar të plagosur të paktën 13 persona. Ngjarja ka ndodhur pasditen e sotme dhe autoritet janë duke kërkuar arsyen e këtij sulmi, se kush qëndron pas.

Fillimisht shtatë vetë u raportuan të plagosur në këtë shpërthim, megjithatë Ministri Turk i Shëndetësisë thotë se kjo shifër është në 13 persona deri më tani. “Agjencitë tona të zbatimit të ligjit po vazhdojnë hetimet e tyre në këtë incident”.

Nuk kishte asnjë pretendim të menjëhershëm të përgjegjësisë për bombardimin, e cila vjen pas një valë të sulmeve nga ISIS dhe rebelëve kurdë në Turqi.

Xhamia është konsideruar si një pikë referimi e arkitekturës dhe ulet në qendër të qytetit të vjetër të Bursës, e rrethuar nga dyqane. Zyrtarët amerikanë kanë lëshuar një paralajmërim mbi “indikacione të besueshme” të kërcënimeve terroriste në tërheqjet turistike në Turqi.

Në një paralajmërim të postuar në faqen e saj, Ambasada e SHBA tha se Uashingtoni vazhdon të marrë raporte se grupet terroriste “janë duke kërkuar mundësi për të sulmuar destinacione popullore turistike në të gjithë Turqinë”. Ajo u bëri thirrje qytetarëve amerikanë që të jetë vigjilent.

Burimi: Indepedent/Përshtati: Redjon Shtylla