Sulmi në Banjskë, Vuçiç: Do të dëgjoni dëshmitarët okularë. Një serb u vra brutalisht

Presidenti i Serbisë, Aleksandar Vuçiç ka komentuar sërish sulmin terrorist në Banjskë të Zveçanit. Ai tha se do të dalë me dëshmi se çfarë ka ndodhur më 24 shtator, ku sipas tij të paktën një serb është vrarë brutalisht.

“Shtatë ditët më të vështira në 15 vitet e fundit janë prapa nesh, për shkak të ngjarjeve në Kosovë, por edhe për fushatën e përgjithshme të nisur kundër Serbisë, fushatën e gënjeshtrave dhe fushatës së të pavërtetave”, tha Vuçiç.

Ai ka deklaruar se ditët e kaluara “ka pasur gënjeshtra të shumta për praninë e forcave tona ushtarake dhe se i ka shqetësuar se e kanë kuptuar se Serbia siç thonë ata ka armë të sofistikuara”.