Sulmi në Lagjen e Trimave, Maqedonia shpërblen me nga 10 mijë euro policët

Pas ngjarjeve të disa mujave më parë në Kumanovë, ku u sulmua “Lagja e Trimave” dhe i vranë disa shqiptarë, qeveria maqedonase ka shpërblyer policët që morën pjesën në aksion.   

Sipas burimeve te portalit maqedonas ‘Dokaz. Mk’, qeveria Ahmeti-Gruevski, rreth 900 policë të MPB-se, i ka shpërblyer për askionin policor në “Lagjen e Trimave” në Kumanovë, i cili u krye më 9 dhe 10 maj të këtij viti.

Bëhet fjalë për një shpërblim në vlerë prej 10 mijë eurove që e kanë marrë çdo polic nga ky numër i përgjithshëm prej 900 policëve. Të gjitha shpërblimet që janë dhënë ruhen si dokument dhe “sekret shtetëror “në MPB.

Ndryshe në aksionin policor në Kumanovë kundër grupit të armatosur nga Kosova, u vranë 8 policë të Maqedonisë, ndërsa shumë mbetën të plagosur dhe invalid. Në mesin e tyre u vra edhe një polic shqiptar nga Studenicani i Shkupit.