Takimi me Melonin, Zelensky i bën thirrje Europës: Askush s’është i sigurt nga lufta në Iran, të bashkohemi!

Presidenti i Ukrainës, Volodymyr Zelensky bën thirrje për koordinim më të fortë mes vendeve europiane për të mbrojtur interesat dhe stilin e jetesës, gjatë një konference të përbashkët me kryeministren italiane Giorgia Meloni. ”Tani të gjithë ne në Europë duhet të koordinohemi në mënyrë konkrete për të mbrojtur interesat dhe stilin tonë të jetesës”, tha ai. Duke folur për konfliktin në Iran, Zelensky tha se pasojat ndihen kudo: ”Nuk ka asnjë vend që nuk ndjen pasojat e luftës në Iran: rriten kostot e jetesës, shtohen rreziqet energjetike dhe përkeqësohen kushtet sociale”.