Të krishterët po shfarrosen në Lindjen e Mesme

Të krishterët po përballen më një persekutim mizor duke u detyruar të braktisin shtëpitë e tyre natën për t’u larguar nga vendet e Lindjes së Mesme. Ata por vriten, dhunohen fizikisht dhe mendërisht, deri sa të mos ngelet asnjë i krishterë në Lindjen e Mesme. Alarmi është ngritur nga një organizatë katolike në Lindjen e Mesme e cila monitoron situatën e të krishterëve në vendet islamike. Vetëm në Irak janë zhdukur 725 mijë të krishterë. Në 2002 në Irak numëroheshin 1 milionë të krishterë, por me nisjen e luftës kanë mbetur vetëm 275 mijë persona. Një pjesë e madhe janë ekzekutuar nga kasapët e ISIS ndërsa pjesa tjetër ka braktisur vendin.

“Të krishterët po largohen me dhunë nga toka antike e tyre. Aty ku lindi krishtërimi të krishterët po trajtohen si bagëti. Irani, Siria, Iraku, gjiri arabik, të gjitha këto vende po bëjnë çmos për zhdukjen e të krishterëve. Duhet të reagojmë, dhe duhet bërë tani”, thotë organizata “Kisha në Nevojë”. E njëjta situatë është edhe në Damask. Vetëm javën e shkuar janë përzënë me forcë nga shtëpitë e tyre 15 mijë të krishterë. Nëse gjithë bota është e shqetuar për përplasjen e fuqive të mëdha si Rusia dhe SHBA­ja kundër ISIS, ajo që po ndodh me të krishterët ëhstë një luftë mizore me pasoja katastrofale.