Tensioni SHBA-Iran, Papa: Lufta sjell vdekje dhe shkatërrim

Papa Françesku bën thirrje për dialog dhe vetëpërmbajtje, dy ditë pas vrasjes së Gjeneralit të lartë Iranian, Qasem Soleimani nga Shtetet e Bashkuara. Papa foli për një ajër të tmerrshëm tensioni që tani mund të ndihet në shumë pjesë të botës. ”Unë u bëj thirrje të gjitha palëve të mbajnë ndezur flakën e dialogut dhe të vetëpërmbajtjes dhe të largohen nga hija e armiqësisë”. Më tej shtoi: Lufta sjell vetëm vdekje dhe shkatërrim. Ju kujtojmë se të premten, një sulm amerikan me dron, në një kolonë në aeroportin e Bagdadit vrau komandantin ushtarak iranian Qassem Soleimani, duke dhënë premtime për hakmarrje të ashpër nga Teherani.