Treni me 300 pasagjerë përplaset me kamionin në Poloni, 18 të plagosur

Të paktën 18 persona u plagosën, shtatë prej të cilëve në gjendje të rëndë pas përplasjes së një treni dhe një kamioni në jugperëndim të Polonisë, theksoi zëdhënësi i zjarrfikseve.

“Rreth 18 persona janë plagosur, shtatë prej të cilëve në gjendje të rëndë. Të plagosurit janë transportuar me helikopterë dhe ambulanca në spitale”, deklaroi Pawel Fratczak.

“Treni transportonte rreth 250-300 pasagjerë. Një prej vagonëve ka dalë nga shinat”, shtoi ai.

Aksidenti ndodhi dje pranë qytetit Ozimek. Shkaqet mbeten ende të panjohura.