Tronditëse/ Turisti bie nga kati i 7 i hotelit, fat tragjik pëson edhe personi disa kate nën të

Një ngjarje e rëndë është regjistruar në Marbella në Spanjë, ku sipas raportit të mediave një 49-vjeçar nga Britania ka rënë nga kati i shtatë i hotelit, por për fat të keq i ka marrë jetën edhe një 43-vjeçari që ndodhej në ballkonin e një dhome, disa kate poshtë tij, pasi i ka rënë sipër.

Anthony Holmes nuk dihet nëse ka rënë aksidentalisht apo është vetëhedhur, por fati edhe më tragjik ishte i spanjollit Antonio Gonzalez, i cili ishte me familjen e tij duke festuar ditëlindjen e vajzës.

Plagët e rënda që ai ka marrë pasi Holmes i ra sipër, i kanë marrë jetën pak minuta më vonë.

Sakaq policia nuk ka dhënë detaje, por ka konfirmuar vdekjen e dy burrave, ndërsa ka deklaruar se kanë nisur hetimet.