Trump paralajmëron Iranin: Mund t’ju shkatërrojmë brenda natës

Presidenti i SHBA-së, Donald Trump, ka paralajmëruar për shkatërrim të plotë të termocentraleve dhe urave të Iranit brenda pak orësh, nëse Ngushtica e Hormuzit nuk rihapet plotësisht deri në afatin e së martës.

“Irani mund të eliminohet brenda natës, dhe kjo mund të ndodhë të martën në mbrëmje”, kërcënoi Trump.

Për të shmangur, sipas presidentit amerikan, Irani duhet të bëjë një marrëveshje të pranueshme. Një komponent i marrëveshjes duhet të përfshijë “trafik të lirë të naftës” përmes Ngushticës së Hormuzit.

Trump thotë se përgjigjja e Iranit ndaj propozimit të armëpushimit të SHBA-së, i përcjellë nëpërmjet ndërmjetësve, është “domethënëse”, por “jo mjaftueshëm e mirë”.

Ndërsa orët e fundit po kalojnë, ka pak shenja se Irani është gati të bjerë dakord me ultimatumin e Trump.

Ushtria e Iranit thotë se kërcënimet e Trump janë “iluzionuese” dhe nuk mund të kompensojnë “turpin dhe poshtërimin” e SHBA-së në rajon, sipas një deklarate në mediat iraniane.

Mojtaba Khamenei ka thënë në një deklaratë se forcat e Iranit nuk do të dekurajohen nga vrasjet e komandantëve.