Presidenti amerikan, Donald Trump ka deklaruar se brenda 3-4 javëve të ardhshme do të jetë gati vaksina e Covid-19. Mirëpo, zyrtarët e shëndetit publik në Amerikë kërkojnë që të tregohet kujdes me dhënien e afateve, pasi gjërat mund të ndryshojnë gjatë rrugës.
Trump e bëri këtë deklaratë ndërsa fliste në një sallë bashkie të organizuar nga “ABC News” amerikan, duke thënë se një vaksinë mund të ishte gati për shpërndarje përpara zgjedhjeve presidenciale të SHBA në 3 nëntor.
“Ne jemi shumë afër që të kemi një vaksinë. Nëse doni të dini të vërtetën, administrata e mëparshme do të kishte dashur ndoshta vite për të bërë një vaksinë për shkak të FDA dhe të gjitha miratimeve. Dhe ne jemi brenda disa javësh nga marrja e saj … Mund të jenë tre javë, katër javë“, deklaroi Presidenti.
