U fol për armëpushim 4 orarësh, por ende nuk ka asnjë shenjë të pauzave ushtarake në Rripin e Gazës

Nuk ka pasur raporte të menjëhershme për qetësim të luftimeve në Gazën veriore, pavarësisht se SHBA tha dje se Izraeli kishte rënë dakord të fillonte pauzat ushtarake katër-orëshe ditore për të lejuar civilët të largoheshin.

Ushtria izraelite thotë se do të ketë “pauza taktike, lokale për ndihmën humanitare”… por “jo armëpushim”.

Ndërkohë, Cogat, një njësi e Ministrisë izraelite të Mbrojtjes, thotë se është hapur një korridor evakuimi që civilët të lëvizin nga Gaza veriore, e cila është fokusi i sulmeve të Izraelit ndaj Hamasit.

Duke postuar në X, ai tha se “dhjetëra mijëra Gazanë” po lëviznin në Gazën jugore “për sigurinë e tyre”. Korridori i evakuimit do të jetë i hapur sot nga ora 09:00 deri në orën 16:00, shtohet ajo.

Palestinezët janë parë duke ecur nëpër rrugët e qytetit të Gazës këtë mëngjes, disa duke mbajtur flamuj të bardhë.