Ukraina mund të fitojë luftën me Rusinë/ SHBA: Agresioni rus, thyerje e rendit ndërkombëtar

”Agresioni rus, thyerje e rendit ndërkombëtar”,-kështu shprehet sekretari i Mbrojtjes i SHBA Lloyd Austin, i cili shprehu edhe besimin se Ukraina mund të mbizotërojë kundër Rusisë në konfliktin dymujor.

“Ukraina ka nevojë për ndihmën tonë për të fituar sot dhe ata do të kenë ende nevojë për ndihmën tonë kur të përfundojë lufta. Siç thotë presidenti Biden, ndihma jonë për sigurinë ka shkuar drejtpërdrejt në vijën e parë të lirisë dhe për luftëtarët e patrembur. Miqtë e mi ukrainas, ne e dimë barrën që mbani të gjithë ju. Dhe kjo është arsyeja pse ne jemi këtu sot, për të forcuar arsenalin e demokracisë ukrainase”.

Sekretari i Mbrojtjes përshkroi disa nga synimet e Shteteve të Bashkuara ndërsa vendi vazhdon të mbështesë përpjekjet e Ukrainës në luftë. Ai u shpreh se administrata e Biden dëshrion një Rusi të dobësuar deri në atë shkallë sa ushtria e saj mund të mos ekzistojë më.