Ulet sërish numri i viktimave nga koronavirusi në Spanjë, 517 të vdekur në 24 orë

Spanja ka regjistruar në 24 orët e fundit 517 vdekje nga koronavirusi, duke shënuar ulje krahasuar me shifrat e një dite më parë.

Numri total i viktimave ka shkuar në 17,489, ndërsa numri i të infektuarëve mbi 169 mijë. Të infektuarit janë rritur me 2% nga dje në sot, duke treguar një përqindje të vogël krahasuar me fillimet e epidemisë.

Ndërkohë mësohet se mbi 64 mijë persona janë shëruar.

Madridi dhe Katalonja vazhdojnë të jenë dy zonat më të prekura.

Kujtojmë se disa ditë më parë qeveria spanjolle ka shtyrë gjendjen e emergjencës, pasi situata është e vështirë. Kufijtë janë mbylur dhe masat janë drastike.

Rastet e konfirmuara në të gjithë botën kanë tejkaluar 1.8 milion, dhe më shumë se 114 mijë njerëz kanë vdekur nga koronavirusi, sipas të dhënave nga Universiteti Johns Hopkins.