Vatra e madhe e Covid-19, qindra të infektuar

Autoritetet gjermane kanë zyrtarizuar zbulimin e një vatre të madhe me të infektuar prej Covid-19. Bëhet fjalë për një impiant përpunimi të mishit, praktikisht një thertore gjigante që ndodhet në rajonin e Vesfalisë.

Në ambientet e industrisë, ku zakonisht punojnë mbi 6 mijë punonjës, u gjetën pas testimeve të paktën 400 raste pozitive me Covid-19.

Ka korrur sukses iniciativa e aplikacionit Corona Warn, që mundëson identifikimin e rasteve, që sipas shoqërisë që e ka projektuar është shkarkuar rreth 6.5 milionë herë. Gjermania numëron rreth 190 mijë të prekur nga pandemia, me 8840 viktima.