Vdekja e Alexei Navalny, OKB: Të tm*rruar nga ky lajm! Të bëhet hetim nga një organ i pavarur

Zyra e OKB-së për të Drejtat e Njeriut thotë se është “e tmerruar” nga vdekja e raportuar e liderit të opozitës ruse, Alexei Navalny në burg, duke shtuar se ajo duhet të hetohet nga një organ i pavarur.

Shefi i OKB-së për të drejtat e njeriut, Volker Türk bëri thirrje publikisht për lirimin e tij verën e kaluar, duke thënë se dënimi i tij i gjatë tregonte se Rusia po përdorte sistemin gjyqësor për qëllime politike.

“Nëse dikush vdes në paraburgim të shtetit”, shton deklarata e OKB, “prezumimi është se shteti është përgjegjës”.