Vdes në aksident biznesmeni i njohur në Greqi

Një biznesmen tepër i njohur në Greqi, Theodoros Nitsiakos humbi jetën në një aksident automobilistik pasi makina e tij doli nga rruga dhe u përplas me një shkëmb.

Aksidenti ndodhi mbrëmjen e djeshme në fshatin e tij të lindjes Aetomilitsa.

Theodoros Nitsiakos është themeluesi i kompanisë “Chicken Nitsiakos”.

Në fillimet e tij për të ngritur kompaninë, prindërit shitën bagëtinë pasi banka nuk e mbështeste. Biznesi u zgjerua duke u bërë prodhuesi më i madh i mishit të pulës në Greqi, dhe një nga  kompanitë kryesore të tregtimit të miellit të drithërave dhe të sojës në vend, raportojnë mediat greke.