VIDEO epike/ Thyen karantinën, arrestohet berberi dhe klientët e tij
Të gjesh një berber në këto ditë karantine është diçka shumë e vështirë. Por edhe ata që e gjejnë një të tillë, e pësojnë.
Në Turqi, disa persona janë arrestuar nga policia pasi kishin përshtatur ambiente si berberhane.
Muajin e kaluar, autoritetet në vend mbyllën sallonet e bukurisë, si një nga masat e para për të luftuar përhapjen e koronavirusit.
Ndërkohë, sipas të dhënave më të fundit, Turqia ka 42,282 raste të konfirmuara me COVID-19, dhe 908 të vdekur.
Duhet thënë se dhe në vendin tonë një nga shqetësimet më të mëdha të qytetarëve, është pikërisht se kur do të hapen parukeritë dhe qendrat e kujdesit, por qeveria e ka bërë të qartë se ato do te jenë në listën e bizneseve që hapen të fundit.