Vizitë në Afganistan? Ja çfarë thotë Trump

Presidenti i SHBA-ve, Donald trump mund të kryej një vizitë të parë në trupat amerikanë të vendosur në Afganistan. Kështu la të kuptohet gjatë fjalës së tij për festën e Falënderimeve.

“Do t’ju takoj kur të vini në SHBA, ose ndoshta do t’ju shoh atje”, u shpreh Trump ndërsa i drejtohej një koloneli. Ndërkohë, i pyetur më gjerësisht nga gazetarët lidhur me këtë vizitë, presidenti amerikan tha: “Në kohën e duhur do të bëjmë ca gjëra shumë interesante”.

Trump ka marrë kritika të shumta për faktin se ende nuk e ka kryer një vizitë të tillë, pasi në Afganistan ndodhen rreth 14 mijë trupa amerikanë.