Tre shqiptarë janë identifikuar si të dyshuar kryesorë në grabitjen e dhunshme që përfundoi me vrasjen tragjike të një nëne 20 vjeçare, të cilën e mbytën në sy të foshnjës së saj.
Tashmë mediat greke raportojnë se grupi hetimor i kanë kërkuar informacion ambasadës shqiptare në Athinë lidhur mbi tre personat e dyshuar.
Grupi hetimor kërkon nëse këta persona janë të skeduar apo jo në Shqipëri si dhe për lëvizjet e tyre.
Të njëjtën procedurë autoritetet greke pritet që të ndjekin edhe me ambasadat e tjera, të Rumanisë, Bullgarisë apo edhe Gjeorgjisë për të dyshuarit.
Nga hetimet ka rezultuar se grabitja e banesës së pilotit 32-vjeçar në Glyka Neras që i vranë gruan ka ngjashmëri me atë të instruktorit të tij, i cili po ashtu disa kohë më parë ishte grabitur me dhunë dhe agresorët i kishin goditur gruan, e cila përfundoi në spital.