Zbardhet biseda private e Trump me Kennedy: Plumbi u ndje si një mushkonjë e madhe

Donald Trump dhe Robert F. Kennedy Jr. kanë biseduar përmes një telefonate private. Trump tregon se si i mbijetoi atentatit në Pensilvani, duke thënë se plumbi i gjuajtur nga 20-vjeçari Thomas Matthew Crooks u ndje si mushkonja më e madhe në botë.

”Diçka më lëndoi”,-tha Trump, sipas asaj që dëgjohet në video. “Ndihej si mushkonja më e madhe në botë”, tha Trump për plumbin që e gërvishti në veshin e djathtë.

Videoja e thirrjes u postua fillimisht në X nga djali i Kennedy, Bobby Kennedy III, i cili më vonë fshiu postimin origjinal. Kennedy kërkoi falje për publikimin, duke thënë se ishte “i mërzitur” që videoja ishte postuar.