Zjarret në Kaliforni, shkon në 25 numri i viktimave

Ka arritur në 25 numri i viktimave si pasojë e zjarreve masive në Kaliforni. Rritja e numrit të viktimave vjen , pasi zyrtarët gjetën 14 trupa të pajetë pranë qytetit të shkatërruar të Paradise, në veri të shtetit.

Ndërkohë mësohet se rreth 250,000 njerëz janë detyruar të ikin nga shtëpitë e tyre për të shmangur flakët shkatërrimtare të tre vatrave të mëdha të zjarrit.

Mësohet se vatra e parë nisi në Thousand Oaks, ndërsa detyroi autoritetet të urdhëronin evakuimin e 75,000 shtëpive.

Presidenti Donald Trump është shprehur me zemërim, duke vënë gishtin tek menaxhimi i dobët i autoritetit të pyjeve për zjarret.