Zjarri shkrumbon jahtin, zhduken 3 turistë

Tre turistë britanikë raportohen të jenë zhdukur pasi një jaht u përfshi nga flakët në Detin e Kuq të Egjiptit. Në bord ndodheshin 29 persona, 26 nga të cilët janë shpëtuar. Në internet janë shpërndarë me shpejtësi pamje të jahtit, i cili po shkrumbohej nga flakët. 26 personat e shpëtuar për fat të mirë nuk kanë pësuar lëndime. Shkaqet e rënies së zjarrit janë ende të paqarta.