Afati për vetëdeklarimet, nga 1 shkurti kush ndërton pa leje 5 vite burg

Nëse të dielën dhe në vazhdimësi ndërtoni pa marrë leje, rrezikoni të hyni në burg.

Afati për deklarimin e ndërtimeve pa leje përfundon më 31 janar, ndërsa zyrat e Agjencisë së Legalizimit dhe Urbanizmit do të qendojnë të hapura edhe pse fundjavë për të pritur edhe deklaruesit e fundit.

Numri i dosjeve deri në deklarimet e fundit pritet të shkojë deri në 350.000 dhe autoritetet qeveritare thonë se nuk ka një afat të dytë për ata që ende nuk e kanë bërë këtë hap.

Në raste se këto autoritete do të vertetojnë se po bëhet një ndërtim në 1 shkurt dhe pas kësaj date me ndryshimet në kodin penal nuk do të ketë më gjobë, por vuajtje dënimi deri në 5 vite burg.

Kur ky vendim u publikua për herë të parë në zyrat e ALUZINI-t nisën rradhët e gjatë dhe për këtë arsye afati u la nga dhjetori deri në 31 janar, e ndërsa ky do të ishte kufiri i fundit për vetëdeklarim.

Në kryeqytet vitet e fundit ka intensitet të lartë të ndërtimeve, ndërsa jo të gjithë objektet janë të legalizuara.

Kjo e detyroi qeverinë që të nxirrte një vendim të tillë që pritet ti hapë rrugë vetëm ndërtimeve të ligjshme dhe të mos lejoj vrull ndërtimesh të pa leje.