“Dukë i Durrësit” apo “Dukë i Krimit”?

Eduard Zaloshnja.

Kur para disa muajsh u mor vesh se opozita po testonte mundësinë e kandidimit të Agron Dukës si përfaqësues i saj në garën lokale të Durrësit, një mik më tha se po vinte koha që të varrosej përfundimisht epiteti “Dukë i Krimit”, që Berisha i ngjiti deputetit durrsak në fillim të viteve ‘2000. “Në qoftë se ai fiton bashkinë e dytë në vend për numër votash, Berisha do ta quajë ‘Dukë i Durrësit’”, tha me të qeshur miku im.

Qysh atëhere, statusi i Agron Dukës në korridoret e PD-së është luhatur mes “Dukës së Durrësit” dhe “Dukës së Krimit”. Deri para pak javësh, politikanë lokalë dhe qendrorë të PD-së thoshin privatisht se sondazhet e brendshme e nxirrnin fitues Agron Dukën përballë Vangjush Dakos dhe gjasat ishin të mëdha që ai të ishte kandidati i opozitës. Pastaj papritur, u mor vesh se Berisha kishte vënë veton që PD-ja të kandidonte një politikan të sajin dhe jo republikanin Duka, sepse nuk mund të harrohej kollaj epiteti me të cilin ai e kishte quajtur dikur – “Dukë i Krimit”.

Në fakt, nga një sondazh i pavarur që ka zhvilluar një koleg i im, rezultonte se republikani Duka ishte në epërsi ndaj Dakos me 3-4 mijë vota, ndërkohë që partitë që janë sot në opozitë patën para dy vjetësh në bashkinë e zgjeruar të Durrësit një disavantazh prej mbi 15 mijë votash, ndaj partive që janë sot në mazhorancë. Ndërsa kandidati më i mirë nga rradhët e PD-së rezultonte humbës në sondazh, me rreth 5 mijë vota.

Kuptohet që edhe sondazhet e brendshme të PD-së duhet të kenë nxjerrë rezultate të ngjashme, përderisa u publikua gjerësisht emri i Dukës si kandidati më i mundshëm i opozitës për Durrësin. Atëherë përse Berisha e ka vënë veton kundër Dukës?

Të hamendësosh se Berisha e ka hallin te kauza e tij më e fundit – dekriminalizimi – stonon, sepse një ditë para se të dënohej në gjykatë i pandehuri Xhelal Mziu, PD-ja zyrtarizoi kandidimin e tij për bashkinë e zgjeruar të Kamzës. Ndërkohë, për Agron Dukën nuk u dërgua asnjë akuzë në prokurori gjatë 8 vjetëve që Berisha ishte në pushtet.

Fatmir Mediu, kryetari i PR-së, ka përmendur disa “sekserë” lokalë që kanë ndikuar në qendër, por logjika ta do se Berisha nuk do të ndikohej nga “sekserë” lokalë për bashkinë e dytë në vend. Atëhere përse ai nuk do që opozita të ketë një kandidat fitues në Durrës?

Kjo është një pyetje me pikëpyetje të madhe pas…