E rralle/I ka humbur pëllumbi, 10 mijë euro fiton kush e gjen!

I ka humbur pëllumbi, 10 mijë euro kush e gjen

Policia gjermane prej ditësh është hedhur në kërkim të një pëllumbi të zhdukur dhe cilido që do ta gjejë shpendin do të marrë si shpërblim 10 mijë euro.

Policia e Dyseldorfit tha të martën se pëllumbi i quajtur AS 969, ishte vjedhur të shtunën nga kafazi në pronën e një rritësi pëllumbash në periferi të qytetit.

Hajdutët kanë qenë të qartë në synimin e tyre; të merrnin shpendin më të zgjuar në mesin e 350 të tjerëve.

Menjëherë sapo ka vënë re mungesën e tij, pronari ka njoftuar policinë. Shpendi me ngjyrë gri, 6 vjeç dhe mashkull, është vlerësuar nga pronari 150 mijë euro dhe kjo për shkak se AS 969 në vitin 2010 kishte fituar çmimin “Pëllumbi më i mirë në Gjermani”.

Pronari ofron për gjetësin e tij 10 mijë euro.