Manjani: EURALIUS, zorrë qorre e Rilindjes

Ish-ministri i Drejtësisë, Ylli Manjani ka komentuar reformën në drejtësi. Në një shkrim në Facebook, Manjani shprehet se “edhe sikur të ngrihet sot KLGJ dhe KLP nuk marrin dot vendime. Gjykata Kushtetuese ka shfuqizuar nenet e ligjit “ për Organet e Qeverisjes së Sistemit të Drejtësisë”, sipas të cilave rregullohet vendimmarrja e këtyre organeve”.

Manjani komenton dhe qëndrimin e ekspertëve ndërkombëtarë të EURALISU lidhur me zbatimin e reformës në drejtësi. “Ekspertët e EURALIUS, që tashmë janë shndërruar hapur në zorrën qorre të Rilindjes, kanë shpikur një manual veprimi, por që nuk i jep zgjidhje këtij vakumi ligjor shumë të rrezikshëm. Ky është vakumi nëpërmjet të cilit Rilindja pritet të marrë krejtësisht nën kontroll drejtësinë e re! Por për këtë nuk flet as Ekspertiza e as ambasadorët… Rilindja jo e jo. Për fat të keq as Opozita!”,- shkruan Manjani.

Komenti i plotë i Ylli Manjanit në Facebook:

Edhe sikur të ngrihet sot KLGJ dhe KLP nuk marrin dot vendime. Gjykata Kushtetuese ka shfuqizuar nenet e ligjit “ për Organet e Qeverisjes së Sistemit të Drejtësisë”, sipas të cilave rregullohet vendimmarrja e këtyre organeve.

Me fjalë të tjera KLP nuk bën dot asnjë një mbledhje që të zgjedhë kandidatët për Prokuror të Përgjithshëm, as për prokurorët e SPAK sepse nuk ka ligj. Ky është vakumi tjetër i madh që qëllimisht fshihet nga Rilindja për të mbajtur funksionimin e organeve të reja drejtësisë nën efektin e kaosit dhe për ti kontrolluar ato.

Tashmë precedenti që shumica politike vendos edhe jashtë rregullave të Kushtetutës, do të shtrihet edhe tek KLP dhe KLGJ e re, në kushtet kur nenet që tregojnë se si i marrin vendimet janë shfuqizuar nga Gjykata Kushtetuese!

Kështu që nxitimi për të zgjedhë KLGJ dhe KLP, aq më tepër në kushtet kur propozoje emra që nuk plotësojnë kriteret ligjore nuk e zgjidh krizën e sistemit të ri të drejtësisë! Mjegulla mbi drejtësinë do shtohet dhe kontrolli politik i vendimeve të saj po bëhet gjithnjë e më shumë i dukshëm!

E përsëris ligjërisht as KLGJ e AS KLP nuk mund të marrin dot asnjë vendim në një mbledhje të rregullt plenare!!! Nëse do merrnin vendime, ato do ishin thjesht politike!

Ekspertët e EURALIUS, që tashmë janë shndërruar hapur në zorrën qorre të Rilindjes, kanë shpikur një manual veprimi, por që nuk i jep zgjidhje këtij vakumi ligjor shumë të rrezikshëm.

Ky është vakumi nëpërmjet të cilit Rilindja pritet të marrë krejtësisht nën kontroll drejtësinë e re! Por për këtë nuk flet as Ekspertiza e as ambasadorët… Rilindja jo e jo. Për fat të keq as Opozita!

Zgjidhja është: Parlamenti urgjent duhet të plotësojë vakumin në ligje që është krijuar nga vendimi nr 34 i datës 10 prill 2017 i Gjykatës Kushtetuese Ky është veprimi i parë, pastaj është emërimi i KLGJ dhe KLP.mërimi i tyre dhe vënia nën presion për të funksionuar pa ligj është vijim i puçit Kushtetues të zgjedhjes se Prokurorit të përkohshëm!

Kështu zgjidhet kjo krizë, të paktën ligjërisht! Manualët e zorrëve qorre të ekspertëve që duan një dakortësi nga qeveria për të vijuar të mirëpaguhen, nuk ndihmojnë sistemin por Rilindjen!