Nuk ka dyshime se ekzekutor i Pëllumb Metës është djali i madh i familjes, Hysen Meta dhe me ndihmën e motrës dhe të vëllait, u bë edhe groposja e trupit të pajetë në kasollen e bagëtive. Por në media dhe në emisione televizive flitet për një tjetër skemë.
Gazetarja Vali Qyrfyçi raporton se nuk përjashtohet nga kjo ngjarje kriminale as nëna e tre fëmijëve të arrestuar, Blerina Meta. Që në momentet e para, ajo ka qenë e dyshuar nga grupi hetimor.
”Blerina po hetohet në gjendje të lirë, pasi tre fëmijët e saj e kanë marrë vazhdimisht në mbrojtje në të gjitha deklaratat e dhëna. Sado kontradiktore të ketë qenë deklaratat e dy djemve dhe vajzës së familjes, e përbashkët mbetet se ata kanë përjashtuar nënën e tyre nga përgjegjësia dhe dijenia për krimin”.
Nëse Blerina ka pasur rolin e ekzekutores së bashkëshortit, është në nivelin e dyshimeve, pasi duhen prova shkencore për ta verifikuar.