Një aksident ka ndodhur në rrugën Transballkanike në Vlorë, ku një makinë policie është përplasur nga një makinë tjetër e tipit “Range Rover”.
Drejtuesi i makinës “Range Rover” ka goditur nga pas makinën e policisë, e cila si pasojë e përplasjes ka bërë dy rrotullime në rrugë.
Si pasojë e këtij aksidenti ka mbetur i plagosur efektivi i policisë dhe pasagjeri që ndodhej në makinë.
Për ironi të fatit, shoferi që ka aksidentuar makinën e policisë, dyshohet se ka qenë nën efektin e alkoolit, dhe ka shkuar siç thotë dhe fjala e urtë popullore “si cjapi te kasapi”.
Pas aksidentit ai është shoqëruar në ambientet e Policisë se Vlorës.