Protesta ka hyrë sot në ditën e saj të 40-të. Gjatë tubimit, bashkë-organizatori Arben Kola u shpreh se “studentët po shpërndajnë hallvën”, ndërsa vijoi me deklarata të forta politike dhe thirrje drejtuar mbështetësve të protestës.
Po ashtu Kola u bëri thirrje qytetarëve të mos ndikohen nga informacionet që, sipas tij, shpërndahen nga profile dhe media të rreme, ndërsa apeloi edhe ndaj mërgatës shqiptare që të reagojë ndaj përfaqësuesve të qeverisë gjatë aktiviteteve publike jashtë vendit.
“Studentët po shpërndajnë hallvën dhe lus Zotin që të hidhet sa më shpejt nga tarraca dhe të shpëtojmë. Mos u ndikoni nga asnjë profil fallco, nga asnjë media fallco, analista, apo dhe tellallët e qeverisë. Lutem për të gjithë mërgatën shqiptare, kudo që t’i shihni, deputetët dhe ministrat që kanë marrë peng Shqipërinë, t’i ndiqni dhe t’i demaskoni”, deklaroi Kola.
