Si çdo qytet në Shqipëri, edhe Tirana u zgjua e zbardhur por përtej bukurisë kryeqyteti ka pasur problematika për shkak të reshjeve të borës.
Gjatë orëve të para të mëngjesit temperaturat e ulëta kanë sjellë edhe praninë e ngricave. Rrugët e brendshme të qytetit janë të kalueshme, ndërkohë që gjendja është më e përkeqësuar në periferitë dhe rrugët që lidhin Tiranën me fshatrat.
Policia ka qenë e pranishme në zonën e Shkozës dhe zonën e Dajtit, duke ndaluar mjetet të cilat nuk ishin të pajisura me zinxhirë. Aktualisht situata është më e qetë, ndërkohë që bora ka nisur të shkrijë. Gjatë natës në Spitalin e Traumës ka pasur disa raste të qytetarëve që kanë pësuar fraktura nga incidente.
