Deputetja e Partisë Socialiste, Sara Mila, ka bërë të ditur se ka marrë pjesë në takimin mes delegacionit shqiptar të kryesuar nga Igli Hasani dhe delegacionit të Komisionit për Çështjet Evropiane të Senatit francez, të drejtuar nga Jean-François Rapin.
Përmes një reagimi publik, Mila theksoi se gjatë takimit u riafirmua rëndësia e partneritetit strategjik mes Shqipëria dhe Franca, si dhe vullneti i përbashkët për forcimin e mëtejshëm të bashkëpunimit institucional ndërmjet dy vendeve.
Sipas deputetes socialiste, palët ndanë qëndrimin se një Bashkimi Evropian më i fortë, më i bashkuar dhe më i aftë për t’iu përgjigjur sfidave të kohës është në interes të qytetarëve evropianë.
Postimi i plotë
Sot, si pjesë e delegacionit shqiptar të kryesuar nga z. Igli Hasani, pata kënaqësinë të marr pjesë në takimin me delegacionin e Komisionit për Çështjet Evropiane të Senatit të Francës, të kryesuar nga z. Jean-François Rapin.
Gjatë takimit, riafirmuam rëndësinë e partneritetit strategjik Shqipëri–Francë, si dhe vullnetin e përbashkët për të forcuar më tej bashkëpunimin mes institucioneve tona.
Një Bashkim Evropian më i fortë, më i bashkuar dhe më i aftë për t’iu përgjigjur sfidave të kohës është në interes të të gjithë qytetarëve tanë. Në këtë kuadër, integrimi evropian i Shqipërisë mbetet prioritet kombëtar dhe një investim i rëndësishëm në stabilitetin, sigurinë dhe prosperitetin e rajonit