Drejtori i Përgjithshëm i Burgjeve, Agim Ismaili është kërcënuar sërish me jetë përmes një mesazhi në celular. Në telefonin e Ismailit është dërguar një sms ku shkruhet: “…e ke tepruar shumë. Kudo që të jesh, ne sërish do të vëmë bombën. Mbaje mend këtë që po të themi…”, raporton Ora News.
Prokuroria e Tiranës ka nisur menjëherë hetimet me dyshimin se Ismaili është kërcënuar për shkak të detyrës nga një grup kriminal që vepron në kryeqytet.
Ismaili është pjesë e komisionit që vendos për hyrjen në regjimin e rreptë 41 bis për disa të dënuar që thyejnë rregulloren.
