Ish-deputetja e PD-së, Albana Vokshi, përmes një postimi në facebook, ka publikuar fotot e tezës së matematikës, ku thotë se testi i matematikës është zbuluar dhe Ministrja e Arsimit, Besa Shahini duhet të mbajë përgjegjësi. Ajo ka ironizuar me pyetjen e famshme të provimit të letërsisë, duke thënë se “Turi do ia kishte dalë më mirë mbase se e e dështuara Besa Shahini dhe shefi i saj Edi Rama”.
Postimi i plotë
Edhe testin e matematikës opozita e nxori? U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto. Ka 3 ditë që për të mbuluar dështimin e saj, sulmon opozitën, por prapë dështoi.
Thirri mësuesit në oborrin e shkollës, duke rrezikuar shëndetin e tyre për të bërë show me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë!
Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama. Testi i matematikës është zbuluar dhe Besa Shahini duhet të mbajë përgjegjësi.