Pandemia e Covid-19 ka një dritë të vogël pozitive dhe lidhet me uljen e ndotjes së ajrit. Europianët po jetojnë nën kufizime të rrepta, duke shpresuar që virusi vdekjeprurës të kalojë së shpejti. Kufizimi në trafikun rrugor, udhëtimet ajrore dhe aktivitetet e tjera të biznesit ka çuar në ulje të ndotjes në disa qytete të mëdha, sipas imazheve të reja të publikuara nga Agjensia Europiane e Hapësirës. Një efekt i ngjashëm është regjistruar në Shtetet e Bashkuara dhe Kinë.
Mësohet se në disa pjesë të Europës, nivelet e ndotjeve toksikë në ajër janë përgjysmuar. Përqendrimet mesatare të dioksidit të azotit (NO2) në ajër në provincën italiane të Bergamos, e cila është paralizuar plotësisht nga shpërthimi, ishin 47% më të ulëta javën e kaluar sesa gjatë të njëjtës javë të vitit të kaluar.
Nivelet e NO2 në Romë ishin 26% në 35% më të ulëta se në 2019. Pandemia ka pasur efekte të ngjashme në ndotjen e ajrit në Kinë, e cila ende renditet dobët në krahasimet globale të cilësisë së ajrit, pavarësisht përpjekjeve të mëdha të qeverisë së saj për të zbutur ndotjen gjatë viteve të fundit.
