Gazetari Eni Ferhati thotë se është e lehtë për të verifikuar se kur ish-zv/kryeministri Arben Ahmetaj iku nga vendi. Për të mjafton të shikohen të dhënat e TIMS për t‘u zbuluar e vërteta, por as SPAK as Policia apo institucionet e tjera nuk kanë dashur ta bëjnë publik këtë informacion.
“Shkresa është hartuar në datën 7 korrik, të premten. Në të njëjtën ditë është siguruar edhe dëshmia e punonjëses së administratës, e cila ka dëshmuar para prokurorëve të SPAK-ut se është ndier nën presion nga Arben Ahmetaj, fillimisht për landifllin e Durrësit, e më pas për Tiranën. Mesa duket është pritur dhe kjo dëshmi që shkresa të dorëzohej në Kuvend.
Unë nuk e di nëse ka qenë mundësia për t’u dorëzuar atë ditë, unë nuk e di se si dërgohet një material i tillë, nëse është dërguar me postë apo në rrugë fizike.
Ahmetaj pretendon se është larguar para se shkresa të dërgohej në Kuvend, apo të hartohej nga SPAK, këtë e zgjidh shumë kollaj sistemi TIMS që këta nuk duan ta tregojnë as SPAK-u as policia dhe gjithë institucionet me radhë, nuk e di për çfarë arsye dhe nuk dua të dalë në teori konspirative”,-tha në një intervistë për Euronews Albania