Kryeministri Edi Rama dërgoi pak ditë më parë për ”riedukim” për 3 muaj gazetarin Klevin Muka. Prezenca e OSBE-së në Shqipëri, thekson se është e drejta e gazetarëve për të kërkuar dhe marrë lirisht informacion.
“E drejta e gazetarëve për të kërkuar, marrë dhe dhënë lirisht informacionin e mbajtur nga organet publike është një pjesë integrale e punës së tyre dhe një shtyllë themelore e çdo shoqërie demokratike. Nuk ka siguri pa lirinë e medias”, shkruan prezenca e OSBE-së në vendin tonë.
Po ashtu OSBE-ja nënvizon përmes një postimi në Twitter, se liria e medias dhe aftësia e gazetarëve për të raportuar lirshëm për çështje me interes publik është një nga treguesit thelbësorë të demokracisë.
“OSBE është fuqimisht e përkushtuar ndaj rolit që luajnë gazetarët në aspektin jetik të proceseve vendimmarrëse të mirëinformuara publike, transparente, të përgjegjshme dhe demokratike në Shqipëri”.
Freedom of #media & ability of #journalists to report freely on matters of public interest is one of the crucial indicators of #democracy. (1/2)
— OSCE Presence in Albania (@OSCEinAlbania) July 7, 2022