Gjenerali Amir Avivi, në një intervistë për ”Top Story” me Grida Dumën, ka rrëfyer se çfarë po ndodh në situatën me sulme Izrael-Iran.
Grida Duma: Shqiptarët nuk dorëzuan asnjë hebre të nazistët. Humanitetin e kanë në vlerat e tyre të besës. Në këto ditë të sulmeve të Gazës ka një përshkallëzim të solidarizimit. Shqiptarët e kanë të njëjtën ndjesi humanizmi dhe ka nisur protesta për masakrat e fëmijëve në Gaza, si e justifikoni atë që po ndodh në Gaza si një avancim ushtarak si mund të ndalohej ajo që po ndodh me fëmijët në Gaza.
Gjenerali Amir Avivi: Së pari të mos harrojmë, ne u sulmuam në mënyrë të paprovokuar nga një organizatë terroriste që masakroi 12 persona, u preu kokën fëmijëve, përdhunoi gratë. Izraeli hyri në luftë për t’u vetëmbrojtur, për të çrrënjosur këtë organizatë terroriste. Izraeli po lufton sipas të drejtës ndërkombëtare. Nuk po vret fëmijë, nuk mund të biem pre e propagandës së Hamasit. Para sulmit, ne u bëmë thirrje qytetarëve të shpërnguleshin dhe shpëtuam. Ne luftojmë terroristët, jo fëmijët dhe gratë. Irani po na godet Spitalet, nuk mund të biem pre e këtyre imazheve propagandistike. Unë po them që po luftojmë kundër terroristëve, jo qytetarëve. Lufta është mjaft e ndërlikuar.
Grida Duma: Shqipëria është një ndër vendet që e ka përjashtuar ambasadorin e Iranit ndër të parat si e konsideroni Shqipërinë?
Gjenerali Amir Avivi: Së pari kam pasur mundësinë ta vizitoj vendin tuaj, Izraeli dhe Shqipëria kanë vlerë të përbashkëta dhe miqësi të madhe. Mos harrojmë që Shqipëria ka strehuar hebrenjtë. Lufta që po bën Izraeli nuk është për të mbrojtur vetëm Izraelin, por edhe Ballkanin, Shqipërinë dhe vendet e tjera të Evropës. Iranin kërkon dominim global. Izraeli do të krijojë një botë më të sigurt për të gjithë.