Në 15 mars, SPAK pritet të mbyllë hetimet për ish-Prokurorin e Përgjithshëm, Adriatik Llalla, i cili fillimisht u akuzua për korrupsion, shpërdorim detyre dhe mos deklarim pasurie.
Gjatë hetimit, prokuroria arriti të gjente prova vetëm për akuzën e mos deklarimit të pasurisë dhe pritet që të paraqitet në gjykatë vetëm me këtë akuzë.
Hetimet ndaj Llallës nisën pasi u kap nga autoritet amerikane me një sasi të konsiderueshme parash, të cilët nuk i kishte deklaruar.
Po sot ishin parashikuar dhe dy çështje të tjera të rëndësishme siç janë gjyqi ndaj Emiljano Shullazit dhe Arbër Çekajt, por që janë shtyrë sërish.