”Bëj si të them unë, por jo ça bëj unë”! Kjo shprehje gjen vend sot në postimin që ka bërë ministrja e Arsimit, Evis Kushi. Së bashku me kreun e grupit parlamentar të PS-së, Taulant Balla, këtë të dielë ata kanë luajtur volejboll me shumë të rinj, ku në fakt Komiteti Teknik i Ekspertëve nuk lejon grumbullime të të paktën 10 personave.
Në një kohë pandemie, ku auditoret janë boshatisur si pjesë e planit të masave anti-covid, ministrja shkon vetë në një ndeshje me të paktën 12 persona të tjerë që luajnë në një ambient të mbyllur.
Mesa duket rreziku i infektimit nga pandemia ekziston vetëm brenda sallave të leksioneve, ndërsa në palestra teksa luhet sport, pandemia “zhduket”.
