Kandidati i koalicionit “Bashkë Fitojmë” në Bashkinë e Lezhës, Pashk Gjoni është i bindur për një fitore. Premtimi i tij është se do të përmirësojë cilësinë e jetesës së qytetarëve lezhjanë, duke theksuar se do të japë të njëjtin kontribut siç ka dhënë me punën si mjek. Gjoni thotë se në ndryshim nga kundërshtari i tij, Pjerin Ndreu, ai ka një lidhje të fortë me këtë qytet.
“Ndreun nuk e lidh asgjë me Lezhën. Nuk ka asnjë lidhje me Lezhën, ai jeton në Tiranë, aty do jetojë edhe pas 15 maji. I ka bërë hesapet gabim, se nuk do jetë kryebashkiak i Lezhës, nuk është Lezha për fasade”, u shpreh kandidati.
Gjoni do duhet të lënë profesionin e mjekut për t’i hyrë politikës. Ai thotë edhe se ka një projekt konkret për të përmirësuar mirëqenien e qytetarëve, jo thjesht fakti që po garon në një bashki është kryesisht e djathtë.
“Jam njeri që u kam shërbyer njerëzve, dhe nuk ka lidhje që do kandidoj në një zonë të djathtë. Oferta e parë është që të ardhurat kryesore, motori i të ardhurave është turizmi. Do investojmë te turizmi, zgjatja e sezonit apo edhe gangrena e në hyrjen e Shëngjnit. Duhet gjetur një zgjidhje. Dhe plazhi i Tales është lënë në një mjerim total. Ma kanë kërkuar dhe nuk është vetëm zgjedhje e imja, kjo ka qenë arsyeja pse unë kam fituar te primareve”, deklaroi Gjoni për ”A2cnn”.