Anëtari i Kryesisë së Partisë Demokratike, Belind Këlliçi thotë se e mirëpret vendimin e kryeministrit Edi Rama për të kandiduar për deputet në qarkun e Tiranës.
Këlliçi premtoi gjithashtu se koha e Ramës ka përfunduar, teksa shtoi se ai sot u paralajmërua për fundin e tij nga drejtuesi i fushatës së Presidentit Donald Trump, i cili tha se kukullat e Sorosit nuk mund të qeverisin më.
”U paralajmërua dje në orën 11:00 rreth mesditës se kukullat e Soros nuk mund të jenë më partnerë të besueshëm të perëndimit dhe Edi Rama e di mirë se ç’po ndodh. Rama do i bierë murit me kokë sot në darkë. Keni për të parë eni për të parë çudira me Ramën ju. Edi Ramën e mirëpres me dëshirën më të madhe.
Para pak minutash dëgjova që ka deklaruar se do të vijë në Tiranë. Bën mirë të vijë në Tiranë. Do të degjenerohet dhe diskreditohet politikisht si asnjë politikan tjetër në historinë e këtij vendi. Këtu do të jemi dhe do i shohim të gjitha këto deklarata”, tha Këlliçi.