Drejtuesi politik i koalicionit “Nisma Shqipëria bëhet”, Adriatik Lapaj vijon me takimet elektorale. Detaji që ra në sy ishte vënia para një përgjegjësie dyshuese politike nga një prej tregtareve në një dyqan rrobash. Dyshimi i tregtares ishte se pasi të fitonin votat, mund të bënin koalicion me Edi Ramën.
I gjendur përballë kësaj pikëpyetjeje nga tregtarja, Lapaj nxori një fletë të bardhë A4 mbi të cilën nënshkroi me emër e mbiemër (gjeneralitetet e tij) se e linte premtimin me shkrim dhe firmë se nuk do bënte koalicion me Edi Ramën pas 11 majit. Nëse e thyente këtë premtim:
“Pas 11 majit nuk do bëjmë koalicion me Edi Ramën! Të gjitha pronat e Adriatik Lapajt, llogaritë bankare dhe pasuritë, i kalojnë tregtares në fjalë (Xhevrije Kastrati)…!”, tha Lapaj teksa shkruante tekstin noterial dhe moral.
