Pandemia e Covid-19 është përhapur pothuajse në të gjithë botën. Mënyra sesi shtetet e prekura po e trajtojnë këtë situatë, ka tërhequr vëmëndjen e medieve të huaja, të cilat i kanë ndarë në makabre, qesharake dhe poshtëruese sjelljet e shteteve. Kështu, policia në Kenia shprehu “ngushëllimet e sinqerta” pasi një djalosh 13-vjeçar u qëllua dhe ndërroi jetë në ballkonin e tij në Nairobi, teksa policia po lëvizte nëpër lagje duke u siguruar që po zbatohej shtetrrethimi. “Ata vijnë dhe na bërtasim dhe na rrahin si lopë; ne jemi qytetarë që respektojmë ligjin”,-tha Huseyin Moyo, babai i Jasin, djali që u qëllua për vdekje.
Kurse në Indi, disa punëtorë emigrantë u spërkatën me një kimikat si një përpjekje për të dezinfektuar trupat e tyre. me një agjent zbardhues, hipoklorit natriumi, i cili mund të shkaktojë dëmtime në lëkurë, sy dhe mushkëri. Diku tjetër, në Punjab, njerëzit e akuzuar për shkelje të karantinës u detyruan të brohoritnin rrugëve: “Ne jemi armiq të shoqërisë. Ne nuk mund të rrimë në shtëpi”. Taktika të tilla poshtëruese janë përdorur edhe nga policia e Paraguait, ku njerëzit që shkelën karantinën u detyruan të bënin star jumps (lëvizje aerobike) dhe u kërcënuan me armë.
Në këtë krizë të jetës ku ndodhet njerëzimi, shumë qeveri po përdorin rastin e pandemisë për të rritur fuqinë e tyre. Të hënën, parlamenti i Hungarisë miratoi një grup masash që përfshin edhe burg për përhapjen e informacioneve të rreme dhe lejimin e kryeministrit të sundojë me dekretin e gjendjes së jashtëzakonshme, që nuk ka një afat kohor të qartë. Në Filipine dhe Tajlandë, vende ku u shpall gjendja e jashtëzakonshme, qeveritë kanë të gjithë pushtetin në dorë dhe kjo përfshin edhe goditjen e informacioneve të rreme, një term i paqartë, për të cilin aktivistët e shoqërisë civile thonë se do të keqpërdoret.
Nga ana tjetër ka regjime në botë ku të dhënat nuk mund të merren shumë për bazë. Një vend pak i përmendur i Azisë, Turkmenistani është edhe një nga më të mbyllurit dhe totalitarët, sipas raporteve ndërkombëtare si World Press Freedom, që e vejnë në vendin e fundit. Sipas medieve të huaja mbyllja dhe mungesa e informacionit për rreth 6 milionë banorët e saj, të shpërndarë në një vend të madh sa Spanja, vlejnë edhe për pandeminë e Covid-19, që zyrtarisht nuk ka hyrë në atë vend. Referuar organizatës “Reporters Without Borders”, vetë fjala koronavirus është e përjashtuar nga çdo media shtetërore dhe shkëshillohet nga agjentët civil që ndodhen kudo në kryeqytetin Ashgabat. Asnjë kronikë mbi përhapjen ndërkombëtare të pandemisë transmetohet në televizion, asnjë informacion nga Ministria e Shëndetësisë.