Kreshnik Dashi është 34-vjeçari i cili u gjet i pajetë ditën e sotme në qytetin e Vlorës.
Sipas informacioneve të para, ai nuk rezulton person me precedentë penalë.
I riu punonte në një firmë këpucësh në Vlorë.
Në trupin e tij është konstatuar një shenjë plage në pjesën e shpatullës, që dyshohet se është shkaktuar nga armë zjarri.
Njoftimi i policisë:
Vlorë
Në lidhje me ngjarjen ku në orët e para të mëngjesit të sotëm u gjet një person i pajetë në afërsi të banesës së tij në lagjen “Kushtrimi”, ku nga veprimet paraprake rezultoi pa shenja dhune, ju informojmë se:
Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.
34 vjeçari punonte në një firmë këpucësh në qytetin e Vlorës dhe nga ana e Policisë nuk njihet si person me precedent penal.
Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.
Vijojnë hetimet e mëtejshme në bashkëpunim me Prokurorinë për sqarimin e rrethanave dhe vendosjen para përgjegjësisë penale të autorit/ve.”