Partia Socialiste do të zhvillojë sot një mbledhje të zgjeruar të Grupit Parlamentar, me pjesëmarrjen e deputetëve dhe ministrave të kabinetit qeveritar të drejtuar nga Edi Rama.
Takimi është planifikuar të nisë në orën 10:00 dhe do të mbahet në Pallati i Brigadave. Në qendër të diskutimeve pritet të jenë progresi i procesit të integrimit europian, si edhe hapat institucionalë të ndjekur për projektin e investimit në Zvërnec.
Çështja e Zvërnecit pritet të zërë një vend të rëndësishëm në axhendë, për shkak të debatit publik që ka shkaktuar, protestave të organizuara dhe vëmendjes ndërkombëtare që ka marrë ky projekt.
AXHENDA E PLOTË
10:00 – Hapja e mbledhjes nga Kryetari i Grupit Parlamentar të PSSH, Taulant Balla.
Fjala e Kryeministrit, Kryetarit të PSSH, Edi Rama.
Informim mbi konkluzionet e Konferencës së 8-të Ndërqeveritare Shqipëri-BE dhe ecurinë e negociatave të anëtarësimit.
Pyetje / diskutime jo më shumë se 2 minuta për çdo folës
-Informim mbi paketën e ligjeve që lidhen me procesin e anëtarësimit të Shqipërisë në BE.
Pyetje / diskutime jo më shumë se 2 minuta për çdo folës
-Informim mbi procedurat e ndjekura deri më tani për investimin në Zvërnec dhe interesin e shprehur për zhvillimin turistik të ishullit të Sazanit.
Pyetje / diskutime jo më shumë se 2 minuta për çdo folës
-Informim mbi ecurinë e Reformës Administrative Territoriale.
Pyetje / diskutime jo më shumë se 2 minuta për çdo folës
-Informim mbi detyrat e lëna nga mbledhja e kaluar dhe performancën e anëtarëve të Grupit Parlamentar.
Pyetje / diskutime jo më shumë se 2 minuta për çdo folës