Ministri i Mbrojtjes, Ermal Nufi zhvilloi një vizitë në Komandën e Forcës Tokësore në Zall-Herr, ku ndoqi nga afër një simulim stërvitor dhe inspektoi spitalin fushor të Grupbatalionit të Këmbësorisë së Lehtë (GBKL).
Gjatë aktivitetit, u prezantuan kapacitetet operacionale të spitalit fushor ROLE 2, si dhe u zhvilluan demonstrime praktike të procedurave CASEVAC dhe MEDEVAC për evakuimin dhe trajtimin e të plagosurve në kushte terreni.
Nufi vlerësoi nivelin e gatishmërisë dhe profesionalizmit të efektivëve, duke theksuar rëndësinë e koordinimit të strukturave të Forcave të Armatosura të Shqipërisë në përballimin e situatave emergjente dhe misioneve mbështetëse mjekësore në operacione.
Sipas tij, stërvitja tregoi gatishmërinë, profesionalizmin dhe koordinimin e strukturave të Forcave të Armatosura në përballimin e situatave emergjente dhe mbështetjen mjekësore në terren.