Muaji i Ramazanit nis të shtunën e dy prillit. Për 30 ditë besimtarët myslimanë ndalohen që të konsumojnë ushqim dhe pije nga lindja e diellit e deri në perëndim. Imami Erjol Haxhi, thotë se synimi i agjërimit është që personi të edukojë veten, të lehtësohet nga ana shpirtërore, të bëhet një individ më i mirë.
Por si përcaktohet në kalendar data e fillimit të muajit të Ramazanit?
Normalisht ne ecim me kalendarin Diellor, por Ramazani caktohet në Kalendarin Hënor. Dita e Agjërimit në Shqipëri është shumë e vjetër dhe të thuash një datë ekzakte është e vështirë, por Islami në trevat tona një pjesë mendojnë se ka ardhur nga tregtarët arabë një pjesë nga Perandoria Osmane.
Çfarë nënkupton Agjërimi? Rregullat që duhen ndjekur
Besimtarët që të quhet i agjërueshëm duhet të privohet nga tre gjëra, nga konsumimi i ujit dhe i ushqimeve dhe të largohet nga marrëdhëniet intime bashkëshortore nga koha e agimit deri në kohën e akshamit, kur fillon të erret..
Në vetvete synimi i agjërimit është që personi të edukojë veten, të lehtësohet nga ana shpirtërore, të bëhet një individ më i mirë. Ramazani synon që te të gjitha veprimet e tij të nxjerrë një njeri ideal që është më afër Zotit dhe më afër njerëzve.